Борис Варґа

Протаґонист

Приповеда ше, же Вон бул у шицким и за шицко криви. Криво єдол, криво пил, спал криво. Дзекуюци тому вишол на криву драґу и криво по нєй ходзел. На нєй стретал подаєдних истих таких кривих людзох, хтори му указали на криви знаки. тоти криви знаки Вон криво шлїдзел и записовал их криво. Прето кажди раз криви чловек читал свойо криви думки. Людзе криво зрозумели його кривого и керовали його криву присутносц. Вон бул криво научени та так и криво на них патрел.

Вшелїяк же би у тим нє було нїякей траґедиї кед би и Вони криво нє похопели його криви попатрунки и єдного кривого рана, на кривим огню спалєли кривого чловека.

Кед сом ше им питал чи чловек бул наисце таки криви, Вони гварели же бул просто виновати.


ч
и
с
л
о

11

1997