Богдан Хмелницкий, гетман з Войском єго кр мл Запорозким

Ознаймуєм тым писанем нашим, иж, ведлут стародавных уживаня прав, привЪлеєв и декретов судовых и от их мл королей наданых, нарадившися, позволилисмо так в луках, яко и в станах, належачих до стого Николы монастыра пустынного киевского рыбы ловит, почавши от Белобережя аж до озера, названого Дубком. Так тым краєм от Пивов, Городища и Максимовки, яко и по сем боку Днепра, яко в придЪлах и правах к уживаню давном мают. Про то ж наупоминаєм кождого з войска нашого, абы отцом николским монастыра пустыного киевского в ловеню рыб жадного перенагабаня и перешкоды не чинил. А если бы якиє спротивныє были сему писаню нашему, тыє, ведлуг срокгости войсковоє, караны быти мают, яко своєволныє. Иначей абы не было, под срокгостю войсковою мЪти хочем.

З Чигирина, марта 30 дня 1652.

Богдан Хмелницкий,
рука власна.

ч
и
с
л
о

35

2004