|
|
|
|
Року бжого тысяча шестсот девятдесят пятого, мсця януарія, четвертого дня Ускаржалася перед нами Агафія, честного отца Феодора, сщенника стого пречиского стародубовского жена, а бывшого негдыс полковника стародубовского пна Рославца цорка, иж по зєйстю з того світа огца єі, нічого єй з добр належитых не досталося, гды ж в недосконалом вЪку на тот час еще зоставала. Для чего всЪ добра, не тылко родителскіє, леч и кревных близких, яко то АвдЪєвскіє, так рухоміє, яко и нерухоміє, досконалшому на тот час в лЪтех честному отцу Самоилу Рославченку в диспозицію досталися. З которых добр, так рухомых, яко и нерухомых же той же отц Самоил сестрі своей по-мененой и найменшои не уделил части. Мы теды, стосуючися до права посполитого и звычаю людского, же каждый потомок отчизны своей участником маєт быти, прису-дилисмо помепеной Агафіі з лежачих добр (поневаж рухомых нестало) двор з пляцом (в котором родич их мешкал в мъстъ ПочепЪ, з єднои ку двору Курилову, а з другой стороны ку двору Кашанскому, тылом — к улицы, а воротами — ку црквЪ Успенія престія бци стоячый. До того присудилисмо ей и за мЪстом помененным два пляцы: єден — за поповичовою брамою з свЪтлицею, а другий пляц з... |
 ч
|